"ვანოს ყველაზე მეტად ხერხემალი აწუხებს" - თაკო მერაბიშვილი მეუღლესთან შეხვედრას ვერ ახერხებს
"ნაციონალური მოძრაობის" გენერალური მდივნის მეუღლე თაკო მერაბიშვილი იმედს გამოთქვამს, რომ სასამართლო მიუკერძოებელ გადაწყვეტილებას მიიღებს და ვანო მერაბიშვილი მის სიმართლეს ადრე თუ გვიან დაამტკიცებს. მისივე თქმით, ყოფილი პრემიერ-მინისტრის ჯანმრთელობის მდგომარეობა არადამაკმაყოფილებელია და მას, განსაკუთრებით, ხერხემალი აწუხებს. თაკო მერაბიშვილის თქმით, მეუღლესთან შეხვედრის მოთხოვნით მთავარ პროკურორს მიმართა, თუმცა ჯერჯერობით პატიმართან შეხვედრაზე თანხმობა არ მიუღია.