"გადავარჩინოთ სვანეთი!" - "ხუდონჰესის" მშენებლობის წინააღმდეგ აქცია გაიმართა - პალიტრა ვიდეო

სასტუმრო "ქორთიარდ მარიოტის" წინ არასამთავრობო ორგანიზაციებმა და უფლებადამცველებმა "ხუდონჰესის" მშენებლობის საწინააღმდეგო აქცია გამართეს.
აქციის მონაწილეების თქმით, "ხუდონჰესის" მშენებლობა დაუშვებელია, რადგან ის დამღუპველ კლიმატურ ცვლილებას გამოიწვევს და სვანეთში ბუნება და ისტორიული ადგილები განადგურდება. უფლებადამცველები პრემიერს მიმართავენ და სთხოვენ, შეასრულოს დაპირება, რომელიც მან წინასაარჩევნოდ გასცა. მათი თქმით, პრემიერის დაპირება უმსხვილესი ჰიდროელექტროსადგურების მშენებლობის პროექტის შეჩერება იყო.

აქცია უკავშირდებოდა სასტუმრო "ქორთიარდ მარიოტში" მიმდინარე ღონისძიებას, სადაც "ხუდონჰესის" მშენებლობის პროექტის საჯარო განხილვა მიმდინარეობდა.