ირაკლი ღარიბაშვილი და ზეევ ელკინი ისრაელთან სავიზო რეჟიმის გაუქმებას მიესალმებიან
შინაგან საქმეთა მინისტრი ირაკლი ღარიბაშვილი ისრაელის საგარეო საქმეთა მინისტრის მოადგილე ზეევ ელკინსა და ისრაელის ელჩს საქართველოში იუვალ ფუქსს შეხვდა. შეხვედრაზე მთავარი განსახილველი თემა საქართველოსა და ისრაელს შორის უვიზო რეჟიმი და მასთან დაკავშირებული პროცედურული საკითხები იყო. მხარეებმა ასევე განიხილეს ორ ქვეყანას შორის ურთიერთთანამშრომლობის საკითხები და სამომავლო გეგმები. გარდა ამისა, საუბარი შეეხო საქართველოს შინაგან საქმეთა სამინისტროში გატარებულ და დაგეგმილ რეფორმებს.