გურიაში უკანონო ცეცხლსასროლი იარაღი ამოიღეს - პალიტრა ვიდეო

სამართალდამცველებმა ჩოხატაურის რაიონის სოფელ ზემო სურებში უკანონო ცეცხლსასროლი იარაღი და საბრძოლო მასალა ამოიღეს.

შინაგან საქმეთა სამინისტროს ინფორმაციით, ამოღებულია შაშხანის ტიპის "გეკოს" იარაღი, 3 სანადირო თოფი, პისტოლეტის ტიპის ცეცხლსასროლი იარაღი, ნაგანის ტიპის რევოლვერი და სხვადასხვა ტიპის იარაღის 327 საბრძოლო ვაზნა.

შსს-ს ცნობით, გამოძიება ცეცხლსასროლი იარაღის მართლსაწინააღმდეგო შეძენა-შენახვის ფაქტზე მიმდინარეობს (სსსკ-ის 236-ე მუხლის 1-ლი ნაწილით).