"ფლეშ-რობი" - ამერიკაში ახალი დანაშაულებრივი ჯგუფები გაჩნდა
ამერიკაში ახალი დანაშაულებრივი ჯგუფები გაჩნდა. ხუთი-ექვსი ახალგაზრდისგან შემდგარი ჯგუფი ფლეშმობის მსგავსად მოქმედებს, ოღონდ მხიარული გართობის ნაცვლად ვანდალიზმით არის დაკავებულები - ჯგუფის წევრები დღისით-მზისით, ყველას თვალწინ მაღაზიებს ძარცვავენ. ამიტომ ამ თავდასხმებს "ფლეშ-რობი" ანუ "ფლეშ-ძარცვა" შეარქვეს. ერთი მაღაზიიდან "ფლეშ-რობერებმა" რამდენიმე წამში გამოიტანეს ტანსაცმლის მთლიანი საკიდები ისე, რომ თვითმხილველებმა თვალის დახამხამებაც ვერ მოასწრეს. 2011 წლის შემდეგ ქვეყნის მასშტაბით მსგავსი ძარცვის 200-მდე შემთხვევა დაფიქსირდა. ყოველწლიურად ამერიკის სავაჭრო ორგანიზაციებს "ფლეშ-რობერები" 30 მილიონ დოლარამდე ზარალს აყენებენ.
პოლიცია ვარაუდობს, რომ არდადეგების დაწყებასთან ერთად ასეთი დანაშაულების გახშირებაა მოსალოდნელი და მაღაზიების მფლობელებს სიფრთხილისკენ მოუწოდებენ.
პოლიცია ვარაუდობს, რომ არდადეგების დაწყებასთან ერთად ასეთი დანაშაულების გახშირებაა მოსალოდნელი და მაღაზიების მფლობელებს სიფრთხილისკენ მოუწოდებენ.