"არ ვცნობთ თვითმარქვია მარგველაშვილს" - ლეიბორისტების საპროტესტო აქცია რუსთაველზე
"ლეიბორისტების" ლიდერი შალვა ნათელაშვილი მხარდამჭერებთან ერთად პარლამენტის წინ მივიდა. აქციის მონაწილეებმა პარლამენტის წინ საარჩევნო ოქმები მიიტანეს და დაყარეს. ისინი პარლამენტის წინ მდგომმა დაცვის წევრებმა პარლამენტის შესასვლელამდე არ მიუშვეს. საპატრულო პოლიციამ მიმდებარე ტერიტორია გადაკეტა. შალვა ნათელაშვილი სიტყვით გამოვიდა. მან განაცხადა, რომ რომ დღეიდან იწყებს ბრძოლას ვადამდელი საპარლამენტო არჩევნების მოთხოვნით და არ ცნობს პრეზიდენტის არჩევნების შედეგებს.