შსს-მ ახალქალაქში საბრძოლო მასალა ამოიღო - პალიტრა ვიდეო

შინაგან საქმეთა სამინისტროს ახალქალაქის რაიონული სამმართველოს ბარალეთის განყოფილების თანამშრომლებმა სოფელ არაგვაში, ერთ-ერთი საცხოვრებელი სახლიდან ავტომატური ცეცხლსასროლი იარაღი "აკ-74", "ეფ-1"-ის ტიპის 1 ხელყუმბარა, ხელყუმბარის 2 დეტონატორი და სხვადასხვა კალიბრის 248 საბრძოლო ვაზნა ამოიღეს.

გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (სსსკ-ის 236-ე მუხლის 1-ლი ნაწილით).