ყველა ბრალდება, რაც გვესმის, არის სიცრუე და სიძულვილზე აგებული კამპანიის დაწყების მორიგი მცდელობა - გიგა ბოკერია

2014-01-30 17:54:52+04:00

ყველა ის ბრალდება, რაც გვესმის, რომ ვიღაცას ჰქონდა ვინმეს მკვლელობის თვითმიზანი, არის სიცრუე და სიძულვილზე აგებული კამპანიის მორიგი მცდელობა. ამის შესახებ, გიგა ბოკერიამ მუხროვანის ამბოხთან დაკავშირებით გავრცელებული ვიდეომასალის კომენტირებისას განაცხადა. გიგა ბოკერია 2009 წელს საგარეო საქმეთა მინისტრის მოადგილის პოსტს იკავებდა.

მისი თქმით, 2009 წელს საქართველოში ადგილი ჰქონდა შეიარაღებული ამბოხის მოწყობის, კონსტიტუციური დემოკრატიული წყობილების დამხობის მცდელობას და მაშინდელმა ხელისუფლებამ მიიღო ადეკვატური და ლეგიტიმური ზომები და დროულად აღკვეთა ეს მცდელობა.

ავტორები: ნათია ლეშკაშელი, ნათია ინაური

იხილეთ ვიდეოს ინგლისური ვერსია