რუსეთის რკინიგზაზე გაზის კონდენსატით სავსე მატარებელს ცეცხლი წაეკიდა
რუსეთის საგანგებო სიტუაციათა სამინისტროს მონაცემებზე დაყრდნობით, ოთხშაბათს, გამთენიისას, რელსებიდან გადავიდა და ცეცხლი წაეკიდა 32 ვაგონს, რომელიც გაზის კონდენსატით იყო სავსე. შემთხვევა მოსკოვიდან 800 კილომეტრის მოშორებით მოხდა. როგორც ცნობილია, მაშველებმა დაახლოებით 700 ადამიანის ევაკუაცია მოახდინეს, რომლებიც ახლომდებარე დასახლებაში ცხოვრობდნენ. "გრძელდება სარკინიგზო რელსების გაწმენდის სამუშაოები. პარალელურ რეჟიმში მიმდინარეობს ხანძრის ჩაქრობა", - განაცხადა საგაგებო სიტუაციათა სამინისტროს პრეს-მდივანმა.