მეტროსადგურ "მარჯანიშვილზე" ძაბვის ვარდნამ მოძრაობა დროებით შეაფერხა - პალიტრა ვიდეო

მეტროსადგურ "მარჯანიშვილზე" მეტროპოლიტენის მუშაობა რამდენიმე წუთით შეფერხებული იყო. მეტროპოლიტენის პრესსამსახურის ინფორმაციით, ძაბვის ვარდნის გამო მატარებელი დაახლოებით 3 წუთის განმავლობაში გაჩერდა. მეტროში იყო დაკვამლიანებაც.

ამასთან, ძაბვის ვარდნამ შეფერხება მეტროპოლიტენის მხოლოდ ერთი ხაზის, ვარკეთილიდან ახმეტელის მიმართულებით გამოიწვია. მგზავრების ევაკუაცია არ მომხდარა.

ავტორი: გიორგი დადიანი