სოჭის ოლიმპიადაში მონაწილეობა რომ არ მიგვეღო, "გამოხტომები" ათასჯერ მეტი იქნებოდა - ზაქარეიშვილი - პალიტრა ვიდეო

აფხაზეთის ე.წ. მთავრობის წევრების მიერ სოჭში გამართულ შეხვედრებს შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი "პრიმიტიულ ჩხირკედელობას" უწოდებს.

როგორც პაატა ზაქარეიშვილმა პროექტის - "საქართველოს მთავრობა ღია მმართველობისთვის" ფარგლებში გამართულ პრესკონფერენციაზე განაცხადა, ამ შეხვედრებს და დე-ფაქტო პრეზიდენტების სოჭში ყოფნას ოფიციალურობასთან საერთო არაფერი აქვს და ამაზე განცხადება თვითონ ოლიმპიური კომიტეტის ხელმძღვანელობამ გააკეთა.

მისივე თქმით, საქართველოს წარმომადგენლებს რომ არ მიეღოთ მონაწილეობა სოჭის ოლიმპიადაში, "იქ ე.წ. გამოხტომები ბევრად მეტი იქნებოდა".