შემზარავი ტრაგედია თურქეთში: ქმარმა ცოლი და ოთხი შვილი დახოცა, შემდეგ კი თავი მოიკლა (+18) - პალიტრა ვიდეო

თურქეთში 36 წლის ნურია დურანმა სახლში ჩაქუჩით და დანით ჯერ მეუღლე, 30 წლის ოზლემი, შემდეგ კი შვილები: 1 წლის ქალიშვილი და ორი ვაჟი (3 და 5 წლის) დახოცა. ამის შემდეგ მან სკოლიდან გამოიყვანა უფროსი, 7 წლის ვაჟიშვილი, სახლში შეიყვანა და მეთერთმეტე სართულიდან გადმოაგდო, მერე კი თავადაც გადმოხტა. სწორედ ეს კადრები დააფიქსირა საცხოვრებელი კორპუსის ეზოში დამონტაჟებულმა სათვალთვალო კამერამ.

პოლიციის განცხადებით, მამაკაცმა რამდენიმე თვის წინ სამსახური დაკარგა და დეპრესიის გამო თვითმკვლელობა რამდენჯერმე სცადა. მეზობლების თქმით, ნურია დურანი დამამშვიდებელ წამლებს და ალკოჰოლურ სასმელს ეტანებოდა და ხშირად სცემდა მეუღლეს.