ავღანეთში, ბაზა "ლეზერნეკზე" ქართველ სამხედროთა მორიგი ნაკადი გაემგზავრა - პალიტრა ვიდეო

ვაზიანის IV მექანიზირებული ბრიგადის ბაზაზე ქართველი სამხედროების ავღანეთში, ISAF-ის მისიაში გაცილების ცერემონიალი გაიმართა. საზეიმო ცერემონიალს დაესწრნენ თავდაცვის მინისტრი ირაკლი ალასანია, გენერალური შტაბის უფროსი, გენერალ-მაიორი ვახტანგ კაპანაძე, აშშ-ის ევროპული სარდლობის საზღვაო ქვეითი ძალების მეთაური, გენერალ-ლეიტენანტი რიჩარდ ტრაიონი. 

23-ე ბატალიონი, როტაციის წესით, III ქვეითი ბრიგადის 31-ე ბატალიონს ჰელმანდის პროვინციაში, ბაზა "ლეზერნეკზე" ჩაანაცვლებს. ბატალიონი მისიაში მონაწილეობას უკვე მეორედ მიიღებს. ISAF-ის ოპერაციაში ქვედანაყოფის სამხედროები პირველად 2012 წელს მონაწილეობდნენ და სამშობლოში უდანაკარგოდ დაბრუნდნენ.