მკურნალობა ღეროვანი უჯრედებით - ამიერკავკასიაში ერთადერთი ჭიპლარის სისხლის ბანკი თბილისშია
სისხლის ონკოლოგიური დაავადებები, ლიმფომა და ლეიკემია, ცერებრალური დამბლა, შაქრიანი დიაბეტი, - ეს იმ დაავადებების არასრული ჩამონათვალია, რომელთა მკურნალობის წყარო, შესაძლოა, ახალშობილის ჭიპლარიდან აღებული ღეროვანი უჯრედები გახდეს. თანამედროვე მედიცინა აღნიშნული დაავადებების მკურნალობას ღეროვანი უჯრედების საშუალებით უკვე ახერხებს. ამიერკავკასიაში ჭიპლარის სისხლის ბანკი მხოლოდ თბილისშია - კ. მარდალეიშვილის სამედიცინო ცენტრში მოქმედი ჭიპლარის სისხლის ბანკი "ჯეოქორდი". თბილისშიც უკვე მომრავლდნენ ისეთი ოჯახები, რომლებიც ახალდაბადებული ბავშვის პლაცენტიდან აღებულ სისხლს ბანკში აბარებენ.