ლუგანსკში სამხედრო ქმედებებს 20-მდე მშვიდობიანი მოსახლე ემსხვერპლა - პალიტრა ვიდეო

ლუგანსკში სამხედრო მოქმედებებს მსხვერპლი მშვიდობიანი მოსახლეობის მხრიდან მოჰყვა. დაღუპულია 20-მდე ადამიანი, - ამის შესახებ ლუგანსკის ქალაქის საბჭოს სამსახურმა განაცხადა. ქალაქის დიდ ნაწილს არ მიეწოდება ელექტროენერგია, დროებით გაითიშა ტელემაუწყებლობაც. ლუგანსკის გამგეობა მოსახლეობას ქუჩაში გასვლისგან თავის შეკავებას ურჩევს.

მომხდარში უკრაინელი სამხედროები და ადგილობრივი სეპარატისტები ერთმანეთს ადანაშაულებენ. ამასთან, 18 ივლისს, გამთენიისას ტერორისტებმა ლუგანსკში ადგილობრივ აეროპორტზე თავდასხმა განახორციელეს. მათ "გრადიდან" გაუხსნეს ცეცხლი ანტიტერორისტული ოპერაციის ძალებს.