ლვოველებმა სუპერმარკეტში თაგვები გაუშვეს, რომ მათ რუსული პროდუქცია დაღრღნან - პალიტრა ვიდეო

საზოგადოებრივი გაერთიანება "Экономический бойкот"-ის აქტივისტებმა ლვოვის ერთ-ერთ სუპერმარკეტში, რომელიც არამარკირებული რუსული პროდუქციით ვაჭრობს, თაგვები გაუშვეს. "ამ აქციით გვინდოდა გვეჩვენებინა, რომ რუსული პროდუქციის ჭამა მხოლოდ თაგვებს შეუძლიათ", - განაცხადა ორგანიზაციის წევრმა ოლეგ რადიკიმ.

აქტივისტებმა მაღაზიაში 46 მღრღნელი მიიყვანეს. სწორედ ამ რიცხვით იწყება რუსული საქონლის შტრიხ-კოდი. აქციის ორგანიზატორებმა განაცხადეს, რომ სურთ, სავაჭრო ქსელებს რუსული წარმოების საქონლის მარკირება აიძულონ. ლვოვში რუსული საქონლის მარკირებაზე დადგენილება შევიდა ძალაში, რომელიც ვაჭრებს აიძულებს, რუსული პროდუქცია მონიშნონ და ცალკე დახლზე განათავსონ.