ადამიანმა რომ დააფასოს თავისი სამშობლო და ახლობლები, ალბათ, უცხოეთში უნდა წავიდეს - ილია მეორე - პალიტრა ვიდეო

არ უნდა შევეჩვიოთ იმას, რომ ჩვენი მთავარი საზრუნავი მატერიალური დოვლათი იყოს, - ამის შესახებ საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების ტაძარში საკვირაო ქადაგებისას ბრძანა.

პატრიარქის თქმით, მატერიალური დოვლათი საჭიროა, მაგრამ უმთავრესი სულიერი დოვლათი და სულიერი სიწმინდეა. ილია მეორის განცხადებით, უცხო ქვეყნებში არის მეტი მატერიალური სიდიადე და სიუხვე, მაგრამ ის, რაც კვებავს ადამიანის სულიერ სამყაროს, არსად არის იმდენი, რაც საქართველოშია.