"მე ვარ "ოცნებისტი", ანუ "ქოცი" - ზაზა კოლელიშვილი საკრებულოში სავარაუდოდ, არაფხიზელი მივიდა - პალიტრა ვიდეო

"ქართული ოცნების" სანზონის მაჟორიტარი დეპუტატი ზაზა კოლელიშვილი საკრებულოში სავარაუდოდ, არაფხიზელ მდგომარეობაში მივიდა.

მსახიობმა კოლეგებს სოციალურად დაუცველების პრობლემის შესახებ უამბო, რომლებსაც გურამიშვილის ქუჩიდან ასახლებენ და თხოვნით მიმართა, "მიხედონ ადამიანებს".

ამის შემდეგ, საკრებულოს სხვა წევრებმა ისაუბრეს და კოლელიშვილმა კვლავ სცადა კომენტარი გაეკეთებინა, თუმცა მასთან ახალგაზრდა მამაკაცი მივიდა, რომელმაც საკრებულოს წევრი დარბაზიდან გაიყვანა. სხდომა ისე დასრულდა, რომ კოლელიშვილი დარბაზში არ დაბრუნებულა.