loader

პირადი ცხოვრების ამსახველი კადრების გავრცელების მუქარით 4 პირი მოქალაქეებს ფულს სძალავდა - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

პირადი ცხოვრების ამსახველი კადრების გავრცელების მუქარით 4 პირი მოქალაქეებს ფულს სძალავდა

გამომძალველები შსს-ს თბილისის მთავარი სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, ორგანიზებული დანაშაულებრივი ჯგუფის წევრები: 1976 წელს დაბადებული ნამიკ ხ, 1975 წელს დაბადებული ალიხარ ი, 1981 წელს დაბადებული რადა ბ. და 1983 წელს დაბადებული ინარა ი. გამოძალვის და პირადი ცხოვრების ამსახველი ინფორმაციის უკანონოდ მოპოვება-შენახვის, გამოყენების და გავრცელების ბრალდებით დააკავეს.

გამოძიებამ დაადგინა, რომ დაკავებულები მოქალაქეების პირადი ცხოვრების ამსახველ ინფორმაციას უკანონოდ მოიპოვებდნენ, შემდეგ კი აღნიშნული ინფორმაციის გამოყენებისა და გავრცელების მუქარით, მათ ფულს სძალავდნენ.

სამართალდამცველებმა ნამიკ ხ-ს კუთვნილი ავტომანქანის ჩხრეკისას 5 000 აშშ დოლარი ნივთმტკიცებად ამოიღეს. რადა ბ-ს ბინის ჩხრეკისას ამოღებულია ვიდეო და აუდიოჩამწერი აპარატურა, რომლითაც ბრალდებულები მოქალაქეების პირადი ცხოვრების ამსახველი მასალის ჩაწერას აწარმოებდნენ. დაკავებულები აღიარებენ ჩადენილ დანაშაულს.

გამოძიება ორგანიზებული ჯგუფის მიერ გამოძალვის და პირადი ცხოვრების ამსახველი ინფორმაციის უკანონოდ მოპოვების, შენახვის, გამოყენების და გავრცელების ფაქტზე მიმდინარეობს (საქართველოს სსკ-ის 181-ე მუხლის მე-3 ნაწილის ,,ა" ქვეპუნქტით და 157-ე მუხლის მე-3 ნაწილის "ა" ქვეპუნქტით).