ქართველები КВН-ის ფინალში გავიდნენ: "ჩვენი მეგობრობა არ დასრულდება" - პალიტრა ვიდეო

რუსეთში КВН-ის პრემიერ-ლიგის თამაშები მიმდინარეობს, რომელშიც მონაწილეობას საქართველოს ნაკრებიც იღებს. პირველ ნახევარფინალში საქართველოს ნაკრებთან ერთად სცენაზე მოსკოვის, ნოვოსიბირსკის, კალინინგრადის და რუსეთის კიდევ რამდენიმე ოლქის გუნდები გამოვიდნენ ("Фулл Хаус", ГУУ, Москва; Сборная Оренбургской губернии; Сборная БФУ им. Канта, Калининград; "Экскурсия по городу", Новосибирск), რომელთაგან მხოლოდ სამმა მოიპოვა ფინალში გასვლის უფლება და ერთ-ერთი საქართველოს ნაკრები იყო.

"ქართველები ისევ გჩუქნიან გულებს სცენიდან და ვიცით, ჩვენი მეგობრობა არ დასრულდება" - ნახევარფინალში ქართველმა მხიარულებმა და საზრიანებმა რუსული მან-სან-კანის ვეტერან მონაწილესთან, აიდარ გარაევთან ერთად იმღერეს. ქართველები სცენაზე სამჯერ გამოვიდნენ და სამივეჯერ ჟიურისგან უმაღლესი ქულები დაიმსახურეს.