დავით ნარმანიას დედას შვილის კარგად აღზრდისთვის "ეიფელის კოშკი" აჩუქეს - პალიტრა ვიდეო

თბილისის მერის, დავით ნარმანიას დედას შვილის კარგად აღზრდისთვის საჩუქრად ეიფელის კოშკის მონუმენტი გადასცეს. ნორა ნარმანია ზუგდიდის მუნიციპალიტეტის სოფელ კოკის საჯარო სკოლის დირექტორმა დალილა ჩიქავამ ახალი სასწავლო წლის დაწყებისადმი მიძღვნილ ღონისძიებაზე დაასაჩუქრა.

ნორა ნარმანია ამავე სკოლის პედაგოგია, კოკის სკოლაში სწავლობდა თბილისის მოქმედი მერიც. დალილა ჩიქავას განცხადებით, ეიფელის კოშკი სიმაღლეების დაპყრობასთან კავშირშია, რისთვისაც ამ საჩუქრის გაკეთება გადაწყვიტა.

ნორა ნარმანიას დასაჩუქრების შესახებ ვიდეომასალას livepress.ge ავრცელებს.