როგორი იქნება ტექნოლოგიური საკლასო ოთახი - პალიტრა ვიდეო

საქართველოს განათლებისა და მეცნიერების სამინისტროში ტექნოლოგიური საკლასო ოთახის მოდელის პრეზენტაცია გაიმართა. კომპანია "იუ ჯი თი"-ს გადაწყვეტილებით, საქართველოს სამ საჯარო სკოლაში ტექნოლოგიური საკლასო ოთახი მოეწყობა. ოთახის მოდელი დღეს "იუ ჯი თი"-მ განათლების სამინისტროში საზოგადოებას წარუდგინა. პრეზენტაციას განათლებისა და მეცნიერების მინისტრი თამარ სანიკიძე, ასევე, კომპანია Acer-ის ვიცე-პრეზიდენტი გრიგორი ნიზოვსკი, Acer-ის რეგიონალური მენეჯერი გიორგი ხვედელიანი და "იუ ჯი თი"-ს ვიცე-პრეზიდენტი გურამ ხოჯანაშვილი დაესწრნენ.

პრეზენტატორების ინფორმაციით, საკლასო ოთახის მოდელი აღჭურვილია Acer-ის ინოვაციური ტექნიკის ნიმუშებით, მათ შორის, თანამედროვე ინტერაქტიული სასწავლო/საპრეზენტაციო სისტემით – სმარტდაფითა და პროექტორით. ოთახში განთავსებულია ნოუთბუქი მასწავლებლისათვის, თაჩ-ეკრანიანი ნეტბუქები და მულტიფუნქციური პრინტერი.

მისივე თქმით, ერთი ტექნოლოგიური საკლასო ოთახი თბილისში, ხოლო ორი რეგიონებში განთავსდება.