პარკირების გამო ერთმა ქალმა მეორე თმებით ითრია
ბირმინგემში 20 წლის გოგონა მანქანიდან გადმოხტა და 44 წლის ქალს თმებში სწვდა. ეს ინციდენტი იქვე დამონტაჟებულმა სათვალთვალო კამერამ გადაიღო. როგორც მოგვიანებით გაირკვა, ჩხუბი მანქანის პარკირების გამო მოხდა. თავდამსხმელი შუა ქუჩაში მანქანაში იჯდა და მამაკაცს ელოდებოდა, რომელიც მაღაზიაში იყო შესული. ცუდად დაყენებული მანქანის გამო გასვლას ვერავინ ახერხებდა, ამიტომ 44 წლის ქალმა გოგონას სთხოვა, იქნებ ავტომობილი გადაეყენებინა. ამ ფაქტმა 20 წლის გოგონა გააღიზიანა, ქალს თმაში ეცა და ფიზიკურად გაუსწორდა. პოლიციამ დამნაშავის დაკავება ვერ მოახერხა, მასზე ძებნაა გამოცხადებული.