სტუდენტი გოგონები ერთმანეთს სცემენ, მასწავლებელი მობილურით იღებს - პალიტრა ვიდეო

რუსეთში, ქალაქ კემეროვოს ხალხური რეწვის ტექნიკური სასწავლებლის პედაგოგმა მეორეკურსელი სტუდენტების ჩხუბი გადაიღო, ისე, რომ მუშტი-კრივის შეჩერება არც უცდია, შემდეგ კი ვიდეო ინტერნეტში გამოაქვეყნა.

ჩანაწერში გოგონები ერთმანეთს სახეში ურტყამენ, სანამ ერთ-ერთ მათგანს მეგობარი არ დააწყნარებს, რის შემდეგაც ყველაზე საინტერესო იწყება, კადრს მიღმა ისმის კითხვა - რატომ იქცევიან სტუდენტები ასე. თუ გოგონების პასუხით ვიმსჯელებთ, ისინი მასწავლებელს ელაპარაკებიან.

ვიდეოს გამოქვეყნების შემდეგ ერთ-ერთი გოგონას მამამ განაცხადა, რომ მასწავლებელს სასამართლოში უჩივლებს. ამჟამად, სასწავლებელში სპეციალური კომისია მუშაობს, რომელიც ინციდენტის გარემოებებს შეისწავლის.