"მერაბიშვილისთვის სამწლიანი სასჯელი სასაცილოა" - გურამ გირგვლიანი - პალიტრა ვიდეო

სანდრო გირგვლიანის მამა, გურამ გირგვლიანი არაადეკვატურად მიიჩნევს ვანო მერაბიშვილისთვის სამწლიანი სასჯელის შეფარდებას. როგორც გურამ გირგვლიანმა სასამართლო პროცესის შემდეგ განაცხადა, სამწლიანი სასჯელი მერაბიშვილისთვის არაადეკვატური და სასაცილოა. მისი თქმით, გადაწყვეტს, სააპელაციო წესით გაასაჩივრებს თუ არა მერაბიშვილის მიმართ მოსამართლის აღნიშნულ გადაწყვეტილებას.

საქალაქო სასამართლოს გადაწყვეტილებით, გირგვლიანის საქმეზე, რომელიც ორ ეპიზოდს მოიცავს, ვანო მერაბიშვილს განესაზღვრა 3 წლით თავისუფლების აღკვეთა. მერაბიშვილს სისხლის სამართლის კოდექსის 332-ე და 341-ე მუხლებით აქვს ბრალი წარდგენილი, რაც გულისხმობს სამსახურებრივ სიყალბეს და უფლებამოსილების გადამეტებას.

იხილეთ: მერაბიშვილის განაჩენი გირგვლიანის საქმეზე: 3-წლიანი პატიმრობა და თანამდებობაზე ყოფნის აკრძალვა