წერეთლის გამზირზე მე-6 სართულიდან 2 წლის გოგონა გადმოვარდა - პალიტრა ვიდეო

სასწრაფო-სამედიცინო დახმარების ექიმის, ლელა სულაქველიძის განცხადებით, ორი წლის გოგონა, რომელიც წერეთლის გამზირზე მე-6 სართულიდან გადმოვარდა, იაშვილის კლინიკაში მიყვანისას კრიტიკულ მდგომარეობაში იყო.

მისი თქმით, ბავშვს თავის ტრავმებიდან გამომდინარე, ჰქონდა ცხვირიდან და პირიდან სისხლდენა. მისი ინფორმაციით, გოგონა რეანიმაციულ განყოფილებაშია მოთავსებული. ბოლო ინფორმაციით, ბავშვის მდგომარეობა ძალიან მძიმეა.

გოგონას ოჯახი ირანიდან არის და წერეთელზე ნაქირავებ ბინაში ცხოვრობს. არსებული ინფორმაციით, შემთხვევის დროს, ბავშვის მშობლები სახლში არ იმყოფებოდნენ.