არასრულწლოვნებს სასჯელის მოხდის შემდეგ ნასამართლეობა გაქარწყლებულად ჩაეთვლებათ
საქართველოს მთავრობამ დღევანდელ სხდომაზე "არასრულწლოვანთა მართლმსაჯულების კოდექსი" დაამტკიცა. როგორც ჟურნალისტებს საქართველოს იუსტიციის მინისტრმა, თეა წულუკიანმა განუცხადა, ეს არის ძალიან დიდი სამართლებრივი და პოლიტიკური მნიშვნელობის დოკუმენტი, რომლის ძალაში შესვლის შემდეგ საქართველოს ეყოლება სპეციალიზებული მოსამართლეები, პოლიციელები, პროკურორები და სოციალური მუშაკები.