რუსეთში 51 წლის მასწავლებელმა ქალმა 14 წლის მოსწავლის წამებით მკვლელობა შეუკვეთა
მოსკოვის ოლქში 51 წლის მასწავლებელმა იულია სიმონოვამ 14 წლის მოსწავლის მკვლელობა პროფესიონალ სპორტსმენს, ნიკოლაი რუდენკოს შეუკვეთა. ამ უკანასკნელმა კი პოლიციას მიაკითხა და ყველაფერი უამბო. შსს-ს თანამშრომლებმა გადაწყვიტეს, ქალი ფაქტზე გამოეჭირათ და ქილერის როლი მოირგეს. დათქმულ დროს პოლიციელი იულიას შეხვდა და თავი ქილერად გააცნო. 51 წლის მასწავლებელი მზად იყო, მოსწავლის მკვლელობისთვის 100 ათასი რუბლი გადაეხადა. ქალი მას შემდეგ დააკავეს, რაც მან "ქილერს" ფული გადასცა.