ბენზინგასამართ სადგურზე ქალმა მამაკაცს მანქანის ავზში ანთებული სანთებელა ჩაუგდო
ისრაელში, ბენზინგასამართ სადგურზე მომხდარი ინციდენტი სათვალთვალო კამერამ გადაიღო. მამაკაცს, რომელიც ავზს ავსებდა, ქალი მიუახლოვდა და გამოელაპარაკა, შემდეგ უკან გამობრუნდა, მაგრამ რამდენიმე ნაბიჯის გადადგმის შემდეგ კვლავ დაბრუნდა და მანქანის ავზში ანთებული სანთებელა ჩააგდო. მანქანა მაშინვე აალდა. მამაკაცმა მოასწრო და გაიქცა. პოლიციამ დამნაშავე ინციდენტიდან მალევე დააპატიმრა. უცნობია, იცნობდა თუ არა ქალი მამაკაცს, თუ მოულოდნელად იმიტომ გაბრაზდა, რომ მამაკაცმა რიგი არ დაუთმო.