სოფელი, სადაც 50 წელია არავინ დაქორწინებულა - ათი მოსახლის იმედად დარჩენილი შატილი - პალიტრა ვიდეო

ციხე-ქალაქი შატილი X-XI საუკუნეებში აუშენებიათ არღუნის მარცხენა ნაპირზე. ჩრდილო-აღმოსავლეთიდან ჩეჩნეთი ესაზღვრება. კოშკები და კალოიანი სახლები­ ერთდროულად პირუტყვის სადგომიც ყოფილა, საცხოვრებელიც და თავდაცვითი ნაგებობაც.

შატილში მუდმივად ათი კაცი ცხოვრობს, ზაფხულობით კი 30-მდე კომლი ბრუნდება. გარდა შატილისა, ადგილობრივ ადმინისტრაციაში შემავალ ცხრა სოფელში სულ 10 მოსახლეღაა დარჩენილი. 3 კილომეტრში უკვე სასაზღვრო ზონა იწყება, 800 მეტრში კი რუსები დგანან. აქ თითოეულ ციხე-კოშკს თავისი ისტორია აქვს, ბებერ შატილს მტრის მზერაც კი ახსოვს...

ავტორი: თორნიკე ყაჯრიშვილი