ქუთაისში ადგილობრივები ამტკიცებენ, რომ ეზოს კედელზე მაცხოვრის სახე გამოისახა
გავრცელდა ინფორმაცია ქუთაისში, განჯის ქუჩაზე მაცხოვრის სახის გამოსახვის შესახებ. ადგილობრივი არხი "მეგა-ტვ" შემთხვევის ადგილზე იმყოფებოდა. ადგილობრივების ინფორმაციით, კაკაურიძეების ეზოს კედელზე მაცხოვრის სახე მოულოდნელად გამოისახა და ის მხოლოდ ღამით ჩანს. არ წყდება მომლოცველთა რიგები, თუმცა, რა არის ეს მოვლენა და უკავშირდება თუ არა უფლის სასწაულს, ამის დადასტურებისგან სასულიერო პირები თავს იკავებენ.