ავარია საფრანგეთში: ავტობუსის და სატვირთოს შეჯახების შედეგად 42 პენსიონერი დაიღუპა - პალიტრა ვიდეო

საფრანგეთში ავარიის შედეგად, სულ მცირე, 42 ადამიანი დაიღუპა. ტრაგიკული შემთხვევა საფრანგეთის სამხრეთ-დასავლეთში, ქალაქ ლიბურნის სიახლოვეს მოხდა, სადაც ერთმანეთს ავტობუსი და სატვირთო მანქანა შეეჯახნენ. როგორც სააგენტო "ფრანს პრესი" იტყობინება, დაღუპულთა უმეტესობა ავტობუსის მგზავრია. ისინი ადგილობრივი პენსიონერთა ასოციაციის წევრები არიან, რომლებიც ექსკურსიაზე მიემგზავრებოდნენ. დაღუპულია სატვირთო მანქანის მძღოლიც.

ადგილობრივი მედიის ცნობით, ავარიის დროს გადარჩა 5 ადამიანი.