ტეხასში წყალდიდობამ მატარებელი გადააბრუნა
ტეხასში ძლიერმა წვიმამ და წყალდიდობამ მატარებლის მთელი შემადგენლობა გადააბრუნა. ძლიერი წვიმები ტეხასის შტატში მექსიკიდან მომავალ უძლიერეს ქარიშხალს უკავშირდება. ამერიკის კონტინენტისთვის ჯერ არნახული ქარიშხალი "პატრისია" პირველ კვალს უკვე ტოვებს წყალდიდობებისა და ძლიერი წვიმის სახით. აშშ-ს ქარიშხლის შესწავლის ეროვნულმა ცენტრმა "პატრისიას" მეხუთე კატეგორია მიანიჭა - ეს კლასიფიკაციის უმაღლესი საფეხურია. ჯერ კიდევ ოკეანეში მოძრავი ქარიშხლის სიჩქარე 325 კმ/სთ-ია.