პატრიარქმა მაშველები წმინდა გიორგის ლეგიონის საპატიო წოდებით დააჯილდოვა
სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საგანგებო სიტუაციების მართვის დეპარტამენტის პირადი შემადგენლობა ყოველდღიურ საქმიანობაში გამოჩენილი გმირობისა და გაჭირვებაში მყოფი ადამიანების უანგარო დახმარებისთვის წმინდა გიორგის ლეგიონის საპატიო წოდებით დააჯილდოვა. დღევანდელი საკვირაო ქადაგების შემდეგ, მისმა უწმინდესობამ ასევე რამდენიმე ფოლკლორული ანსამბლი და თბილისის ზღვაზე მშენებარე მწვანე ქალაქის თანამშრომლები დალოცა. უშუალოდ ქადაგებაში კი კათოლიკოს-პატრიარქმა დავით წინასწარმეტყველის შესახებ ისაუბრა.