"ამ წამს ჩემი შვილი მოვკალი..." - მამას 14 წლის ვაჟი მძარცველში აერია - პალიტრა ვიდეო

ცინცინატში მამამ შემთხვევით 14 წლის ვაჟიშვილი მოკლა. როგორც პოლიცია ამბობს, მას შვილი სახლში შემოჭრილი მძარცველი ეგონა. პოლიციის განცხადებაში ნათქვამია, რომ მამაკაცს შვილი სკოლაში ეგონა, თუმცა მოზარდი გასვლიდან მალევე მობრუნდა სახლში. მამამ სარდაფიდან ხმები გაიგონა, იარაღი აიღო და შესამოწმებლად გაეშურა. როდესაც შეამჩნია, რომ სახლში ვიღაც იმყოფებოდა, შეშინდა და ცეცხლი გახსნა. 14 წლის ბიჭს ტყვია კისერში მოხვდა. მოზარდი ცინცინატის ბავშვთა ჰოსპიტალში გადაიყვანეს, თუმცა მისი გადარჩენა ვერ მოხერხდა. ამერიკაში ხშირია შემთხვევები, როდესაც მსხვერპლი შეცდომით მძარცველი ჰგონიათ და საკუთარი ოჯახის წევრებს ხოცავენ. გასულ თვეს ფლორიდაში ქალმა საკუთარი ქალიშვილი მოკლა, როდესაც დაინახა, რომ მის ოთახში ვიღაც შედიოდა.