"ჩვენ ბედნიერი ცხოვრება გვქონდა" - ეკა მიშველაძემ მრავალსაათიანი დაკითხვის შემდეგ ცრემლები ვერ შეიკავა - პალიტრა ვიდეო

ალექსი პეტრიაშვილის მეუღლის, ჟურნალისტ ეკა მიშველაძის გამოკითხვა პოლიციის სამმართველოს შენობაში გუშინ, საღამოს, თითქმის სამი საათის განმავლობაში გაგრძელდა.

როგორც პოლიციიდან გამოსულმა მიშველაძემ ჟურნალისტებთან საუბრისას განაცხადა, გამოძიებას მასთან ჰქონდა კითხვები, თუ ვინ შეიძლებოდა ყოფილიყო სავარაუდო ეჭვმიტანილი. თუმცა, მისი თქმით, მომხდართან დაკავშირებით ვერსიები არ აქვს. ჟურნალისტმა იმედი გამოთქვა, რომ მისი მეუღლის საკითხთან დაკავშირებით დამნაშავე აუცილებლად დაისჯება.