ქართველი ტაქსის მძღოლის სამარცხვინო დიალოგი რუს ტურისტთან - პალიტრა ვიდეო

საქართველოში დასასვენებლად ჩამოსული რუსი ტურისტი Youtube-ზე ვიდეოს აქვეყნებს, სახელწოდებით "ქართველები სააკაშვილზე, პუტინზე, რუსეთსა და ისტორიაზე", რომელსაც პატარა წარწერას ურთავს: "საქართველოში დასვენებისას დავინახე და გავიგონე ის, რაც სინამდვილეში იყო". ვიდეოში ქართველი ტაქსისტი რუს ტურისტებს ეუბნება, რომ 2008 წლის ომი სააკაშვილის ბრალი იყო.

"როდესაც 2008 წელს ჩვენ რუსეთთან პრობლემები გვქონდა, იმაში მიშაა დამნაშავე... პუტინთან არ შეიძლება ხუმრობა. მან რამდენჯერ გააფრთხილა სააკაშვილი და ჩვენც გვთხოვა, გააჩერეთ, ჩემო ძვირფასო ქართველებო, თქვენი პრეზიდენტი. მიშა ბავშვია, დიდი ბავშვი, რაც უნდოდა, იმას აკეთებდა. ეს არის სულ".