ნიკა გვარამია მისი და პაატა ბურჭულაძის სატელეფონო ჩანაწერის გავრცელებას ეხმაურება
ნიკა გვარამია მისი და პაატა ბურჭულაძის სატელეფონო ჩანაწერის გავრცელების ფაქტს ეხმაურება. ტელეკომპანია "რუსთავი 2"-ის გენერალური დირექტორი აცხადებს, რომ ხელისუფლება ჩანაწერებს სამთავრობო სააგენტოების მეშვეობით აქვეყნებს. გვარამია ამბობს, რომ გამოქვეყნებული ჩანაწერი ძალიან სკანდალურია არა მისი შინაარსის, არამედ იმიტომ, რომ ხელისუფლება უსმენს არა მხოლოდ ტელევიზიის დირექტორს, არამედ პოლიტიკურ ლიდერსაც. ამასთან, ის საუბრის ნამდვილობას ადასტურებს და მიიჩნევს, რომ ამაში უკანონო არაფერია.