იარაღის და ნარკოტიკის ჩადებაში პოლიციას კიდევ ერთი ახალგაზრდის ოჯახი ადანაშაულებს
იარაღის და ნარკოტიკის ჩადებაში პოლიციას კიდევ ერთი ახალგაზრდის ოჯახი ადანაშაულებს. ბათუმის საქალაქო სასამართლოში სასამართლო პროცესმა პროტესტის ფონზე ჩაიარა. აქცია დაკავებული გიორგი ანდღულაძის ოჯახის წევრებმა და ახლობლებმა გამართეს. მათი მტკიცებით, ანდღულაძეს დაკავებისას პოლიციამ ნარკოტიკი და იარაღი ჩაუდო, რასაც შინაგან საქმეთა სამინისტროში უარყოფენ. გიორგი ანდღულაძე წინასწარ პატიმრობაში იმყოფება.