მიხეილ სააკაშვილის ფიტული, ცოცხები გვირგვინებად და იმიტირებული გასვენება აშშ-ის საელჩოსთან
პარტია "ჩვენი სამშობლოს" წევრებმა ამერიკის შეერთებული შტატების საელჩოსთან მიხეილ სააკაშვილის ფიტული მიიტანეს. როგორც პარტია "ჩვენი სამშობლოს" წევრმა ტრისტან წითელაშვილმა განაცხადა, საქართველოს არ სჭირდება ადამიანი, რომელიც ქვეყანას წამლავს. სწორედ ამიტომ, წითელაშვილის თქმით, მან სააკაშვილის ფიტული მიუტანა იმ ქვეყნის საელჩოს, რომელმაც სააკაშვილი შექმნა. აქციის მონაწილეებმა სარიტუალო მანქანიდან სააკაშვილის ფიტული, რომელიც კუბოში იყო ჩასვენებული, საელჩოს მიმდებარე ტერიტორიაზე გადმოასვენეს.