"მაგ კამერას გაგიკეთებ ნაწილ-ნაწილ, შე ნაბიჭვარო თბილისელო " - ქუთაისში ჟურნალისტებს ფიზიკურად გაუსწორდნენ
ქუთაისში 90-ე საარჩევნო უბანზე ჟურნალისტებს უცნობი პირები ფიზიკურად დაუპირისპირდნენ. ჟურნალისტების ინფორმაცით, ტელეკომპანია "იბერიის", "რუსთავი2"-ს და "ჯი-დი-ეს"-ის გადამღებ ჯგუფს ფიზიკურად გაუსწორდნენ და აპარატურა დაუზიანეს. ადგილზე მობილიზებული იყო პოლიცია. ამ დროისთვის ვითარება განმუხტულია. ადგილზე იმყოფებოდა დიასპორის მინისტრის მოადგილე რატი რეგაძე.