როგორ გააქციეს გიგი წერეთელი საარჩევნო უბნიდან - ხელჩართული ჩხუბი და დაპირისპირება ქუთაისში
ხელჩართული ჩხუბი და დაპირისპირება ქუთაისში - 90-ე საარჩევნო უბანზე ტელეკომპანია "იბერიის", "რუსთავი2"-ს და "ჯი-დი-ეს"-ის გადამღებ ჯგუფს ფიზიკურად გაუსწორდნენ და კამერები დაუმტვრიეს. დაპირისპირება მას შემდეგ დაიწყო, რაც ქუთაისის 90-ე უბანზე "ქართული ოცნების" მხარდამჭერები მივიდნენ, რომელთაც დიასპორების საკითხებში სახელმწიფო მინისტრის მოადგილე რატი რეგაძეც ახლდა. მათ ჟურნალისტებს გადაღების შეწყვეტა მოსთხოვეს, რასაც ფიზიკური ანგარიშსწორება მოჰყვა. ამავე უბანზე სიტყვიერი შეურაცხყოფა "ნაციონალური მოძრაობის" წევრს, გიგი წერეთელსაც მიაყენეს. ადგილზე მობილიზებული იყო პოლიცია. ამ დროისთვის ვითარება განმუხტულია.