თბილისი თუ ქუთაისი - სად დარჩება პარლამენტი?
თბილისი თუ ქუთაისი - სად დარჩება პარლამენტი, ეს საკითხი პოლიტიკურ წრეებში კვლავ განხილვისა და ვნებათაღელვის საგანია. აკაკი ბობოხიძის თქმთ, მის შეთავაზებას პარლამენტის ქუთაისში დარჩენასთან დაკავშირებით, ხელისუფლების წარმომადგენლების მხრიდან ბუნდოვანი განცხადებები მოჰყვა, ამიტომ ის და მისი გუნდის წევრები არჩევნების მეორე ტურში აქტიურად ჩაერთვებიან. მანამდე კი ბობოხიძემ იმერეთში "ქართული ოცნების" მაჟორიტაორბის კანდიდატებს განუცხადა, რომ თუ ისინი პარლამენტის ადგილმდებარეობის შეცვლას მხარს არ დაუჭერენ, ის და მისი თანაგუნდელები მზად არიან ქუთაისის მაჟორიტარობისათვის აღარ იბრძოლონ და მეორე ტურში მონაწილეობა არ მიიღონ. ინიციატივას გამოეხმაურნენ ქართულ ოცნებაში, სადაც განმარტეს რომ პარლამენტის ადგილმდებარეობის საკითხი, ამ ეტაპზე არ განიხილება.