აშშ-ის სანაპირო დაცვამ 17 ტონა კოკაინის კონფისკაცია მოახდინა - დაკავებულია 585 ეჭვმიტანილი
აშშ-ის სანაპირო დაცვამ 17 ტონა კოკაინის კონფისკაცია მოახდინა. როგორც სააგენტო განმარტავს, მიმდინარე წელი ნარკოტიკული საშუალების ამოღების მხრივ რეკორდული აღმოჩნდა. სანაპირო დაცვამ კოკაინი, რომლის ღირებულება 561,000,000 დოლარზე მეტს შეადგენს, სან-დიეგოს სანაპიროზე ჩამოტვირთა. აშშ-ის სანაპირო დაცვამ წელს ნარკოტიკული საშუალების გადატანაში ეჭვმიტანილი 585 პირი დააკავა. კოკაინის კონტრაბანდა კოლუმბიიდან მექსიკის ან გვატემალის გავლით ხდება, საბოლოო დანიშნულების ადგილი კი შეერთებული შტატებია.