დალევა, გართობა და კარტის თამაში - რატომ გამოიძახეს პოლიცია გურიის საარჩევნო უბანზე?
დალევა, გართობა და კარტის თამაში გურიის საარჩევნო უბანზე - ვიდეოკადრები "გურია ნიუსის" ჟურნალისტებმა დააფიქსირეს. სააგენტოს ინფორმაცით, ჩოხატაურის საოლქო საარჩევნო კომისიის #15 უბანის მეორე სართულზე, სადაც უცნობი პირები ალკოჰოლს მიირთმევდნენ და ბანქოს თამაშობდნენ, კომისიის წევრიც იმყოფებოდა. როგორც მან მედიას განუმარტა, შენობის მეორე სართულზე თამბაქოს მოსაწევად ავიდა. უბნის კომისიის თავმჯდომარე დავით ჟორჟოლიანმა კი განაცხადა, რომ თავისუფალ დროს კომისიის წევრი სადაც უნდა იქ წავა და ეს არავის გასარკვევია. უბანზე მდგომარეობა იმდენად დაიძაბა, რომ პოლიციის გამოძახება გახდა საჭირო.