შსს-მ ნარკოდანაშაულისთვის ორი პირი დააკავა - პალიტრა ვიდეო

შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა 1995 წელს დაბადებული ნ.ს. და 1995 წელს დაბადებული ა.კ. ნარკოდანაშაულისთვის თბილისში დააკავეს.

შს სამინისტროს ინფორმაციით, სამართალდამცველებმა, დაკავებულების პირადი ჩხრეკისას, 24,8018 გრამი ახალი ფსიქოაქტიური ნივთიერება და 10 აბი "ენ-დე-მა" ამოიღეს. ასევე, ამოღებულია სარეალიზაციოდ გამზადებული 2,3903 გრამი ახალი ფსიქოტროპული ნივთიერება.