ჩვენ გვაქვს აშშ-ის ორივე პარტიის მხარდაჭერა - მიხეილ ჯანელიძე
ჩვენ გვაქვს ამერიკის შეერთებული შტატების ორივე პარტიის მხარდაჭერა, - ამის შესახებ საქართველოს საგარეო საქმეთა მინისტრმა მიხეილ ჯანელიძემ ჟურნალისტებს განუცხადა. მისი თქმით, ის შედეგი, რაც დადგება, იქნება ამერიკელი ხალხის არჩევანი. ჟურნალისტის კითხვაზე, მოვიწვევთ თუ არა საქართველოში ამერიკის ახალ პრეზიდენტს, ჯანელიძემ აღნიშნა, რომ ჩვენთვის ყველა მაღალი დონის ვიზიტი აშშ-დან ძალიან მნიშვნელოვანია.