ტაქსის მძღოლების პროფკავშირები რეგულაციების შემოღების პროცესში მძღოლების ჩართვას მოითხოვენ
ტაქსის მძღოლების პროფკავშირები რეგულაციების შემოღების პროცესში ტაქსის მძღოლების ჩართვას მოითხოვენ. მძღოლების ნაწილთან ერთად, მათ იპოდრომთან აქცია გამართეს. ტაქსის მძღოლების პროფკავშირების თავმჯდომარის თქმით, მათთვის ცნობილია, რომ თბილისის მერია გარკვეულ რეგულაციებს ამზადებს, რომელიც ტაქსის მძღოლებს შეეხება, თუმცა უცნობია, თუ რა ტიპის რეგულაციებზე იქნება საუბარი. შესაბამისად, ნანა ფილაური მოითხოვს, მოხდეს პროცესში პროფკავშირების ჩართვა, რათა მთლიანად რეგულაციების შემოღების პროცესმა უფრო გამჭვირვალე ვითარებაში ჩაიაროს.