კახი კახიშვილი პარლამენტს აღკვეთის ღონისძიების ახალ სახეს - წინასააღკვეთო პრობაციის შემოღებას სთავაზობს
სასჯელაღსრულებისა და პრობაციის მინისტრობის კანდიდატი პარლამენტს აღკვეთის ღონისძიების ახალ სახეს - წინასააღკვეთო პრობაციის შემოღებას სთავაზობს. ამის შესახებ კახი კახიშვილმა პარლამენტში რამდენიმე კომიტეტის გაერთიანებულ სხდომაზე განაცხადა. მისი განმარტებით, სასამართლოს მიერ დღეისათვის მხოლოდ ორი ეფექტური აღკვეთის ღონისძიების სახე გამოიყენება, რომელიც სისხლის სამართლის საპროცესო კოდექსშია გაწერილი - გირაო და პატიმრობა. კახიშვილი პარლამენტს ასევე ადმინისტრაციული პატიმრობის ვადების შემცირებასაც სთავაზობს. კერძოდ, მაღალი რისკის შემთხვევაში, პატიმრობა 90 დღიდან 60 დღემდე უნდა შემცირდეს, საშუალო რისკის შემთხვევაში კი - 60-დან 30 დღემდე.