წულუკიანი VS ხოშტარია: გისამძიმრებთ, რომ სანდრო გირგვლიანის მეგობარი იმ კაცის გვერდით ზიხართ, რომელიც ვანოს იცავს
პარლამენტში კრიტიკის ობიექტი იუსტიციის მინისტრიც გახდა. დეპუტატები დაინტერესდნენ, თუ რატომ ვერ ხერხდება მიხეილ სააკაშვილის ინტერპოლის სიაში ჩასმა და ასევე რატომ ეუბნება უარს კრიმინალური პოლიციის საერთაშორისო ორგანიზაცია, ყოფილი მაღალაჩინოსნების და მინისტრების წითელ ცირკულარში ჩასმაზე იუსტიციის სამინისტროს. წულუკიანის მიმართ კითხვა დაისვა ასევე, თუ რატომ იღებს ინტერპოლი ძებნილთა საკუთარი სიიდან ყოფილი ძალოვანების გვარებს, მათ შორის დასახელდა ზურაბ ადეიშვილიც.